Konsulenti politik Xhevdet Pozhari ka analizuar rezultatin e zgjedhjeve dhe rolit të diasporës në fitore të LVV-së.
Ai tha se kandidati për kryeministër, Albin Kurti arriti të fitojë me votat e qytetarëve të Kosovës, ndërsa ato të diasporës i cilësoi si “infuzion” në mënyrë që të arrihet rezultati prej 50 për qind.
“50 për qindëshi ka qenë infuzioni i fundit që ish dashur për diasporës. Sepse, ata të cilat tashmë e akuzojnë diasporën, ata duan ta fshehin faktin… Kurti doli i pari me votat e vendasve. Diaspora nuk mundet me i avullua 50 mijë votat e LDK-së. Pra, diaspora e ka dhënë atë shtysën e fundit që të arrihen 50%. Kurti është politikani dyfish më i votuari. Kësaj here ia theu rekordin vetvetes”, deklaroi ai në emisionin “Këndi i Debatit” në Tëvë1.
Ndërkohë, potencoi se Kurti në zgjedhjet e kaluara kur ra në 42 për qind, është vë në sfidë për të formuar e vetme qeverinë në mënyrë që “të qëndronte konsistent me parimet e tij”.
“Kur Kurti ra në 42.03% dhe i duheshin votat për të formuar qeverinë, ai u vu në sfidë. Filloi të kushtëzohet me komunat boshnjake dhe me pozita nga ata që nuk e kishin mbështetur, duke kërkuar pozita për të qenë në pushtet. Pyetja ishte nëse do të qëndronte konsistent me parimet e tij apo do t’i pranonte këto marrëveshje për pushtet”, tha ai. /teve1.info/
