Analisti, Xhevdet Pozhari ka thënë se nëse partitë opozitare tentojnë ta formojnë qeverinë e re duke e mënjanuar kryeministrin në detyrë, Albin Kurti do të bëjnë gabimin më të madh politik të tyre.
Pozhari në emisionin “Këndi i Debatit” në Tëvë1 është shprehur se ky veprim do të ishte edhe një lloj grabitjeje e legjitimitetit të popullit duke qenë se ‘Kurti është njeriu më i votuar në histori’.
“Aktualisht në këtë konstalacion me këto rezultate mendoj që nëse do të kalonin partitë e tjera në hapin për të themeluar qeverinë duke e mënjanuar njeriun i cili është më i votuari në histori dhe i ka 48 deputetë dije që nuk do të zgjaste më shumë sesa deri në zgjedhjen e presidentit dhe mendoj se ky politikisht do të ishte një prej gabimeve më të mëdha dhe kushdo që është duke i ushqyer me këtë ide nuk mendoj se është duke ua dashur të mirën. Kjo është edhe një lloj grabitjeje e legjitimitetit të popullit”, ka thënë ai në emisionin “Këndi i Debatit” në Tëvë1.
