Konsulenti politik, Xhevdet Pozhari ka komentuar deklaratat e presidentes Vjosa Osmani, e cila nga Shtetet e Bashkuara të Amerikës ka përmendur ndërhyrjen e ish-presidentit amerikan Donald Trump në parandalimin e një përshkallëzimi të mundshëm nga Serbia ndaj Kosovës.
“Nuk bëhet fjalë për zhvillime të vitit 2023 apo 2020, por për zhvillime shumë, shumë të vona”, u shpreh ajo.
Ndaj këtyre deklaratave Pozhari në emisionin “Këndi i Debatit”, tha se pala e Kosovës duhet të rrisë vigjilencën dhe të jetë më e qartë në identifikimin e burimit të destabilitetit në rajon.
“Pala e Kosovës duhet të jetë e gatshme, nganjëherë luhet me dy kapele, pra përkthehet më tepër Serbia sesa që duhet dhe të shihet kush është përgjegjësi kryesor i cili nuk është duke investuar në stabilitetin e rajonit, ndonëse deklaritivisht ata edhe mund të shtiren si të tillë”, tha Pozhari.
Ai përmendi edhe rastin e letrës refuzuese të ish-kryeministres serbe Ana Bërnabiq, si dëshmi se Serbia vepron në kundërshtim me marrëveshjet që nënshkruan.
“Këto situata i konvenojnë vetëm një shteti që është nën regjim diktatorial që ka mbërthyer çdo pore të funksionimit atje që ngulfatur demokracinë, lirinë e medieve dhe mendoj se këto deklarata të zonjës Osmani nga ShBA-ja duhet të jenë një alarm që ta ngrisim edhe më tepër vigjilencën drejt rrezikut që na vjen nga shteti fqinj”, deklaroi ai. /teve1.info/
