Analisti politik, Xhevdet Pozhari vlerëson se Aleancën për Ardhmërinë e Kosovës e ka penalizuar politikisht gjuha e përdorur në fushatë nga kryetari i saj, Ramush Haradinaj.
Sipas tij, Haradinaj ka qenë i pakompromis në gjuhën e përdorur e cila siç është shprehur ai ‘nuk është përqafuar nga partitë e tjera politike’.
Pozhari ka shtuar se Haradinaj mund të vazhdojë pafundësisht me të njëjtën qasje, por ka thënë se kjo gjë nuk është duke i prodhuar rezultate.
“Mendoj që AAK-në e ka penalizuar gjuha e Haradinajt, bindja ime. Me aq sa kuptoj nga politika mendoj se fjalori i ashpër në fushatë i zotit Haradinaj që nuk është përqafuar nga këto partitë e tjera. Sigurisht që opozita e deri djeshme do ta akuzoj pushtetin e do të mundohet t’ia zbeh të gjitha arritjet por Haradinaj ka qenë i pakompromis në gjuhë prandaj mendoj se kjo iu ka penalizuar. Haradinaj mund të vazhdoj pafundësisht të mbahet në atë gjuhë se e ka drejtën e tij por nuk është duke i prodhuar rezultate”, ka thënë se Pozhari në emisionin “Këndi i Debatit” në Tëvë1.
