Lumezit i përfundon mandati, presidenca s’ka vendim
Para se të marrë një vendim, presidenca ka njoftuar se do të zhvillojë konsulta, të cilat i ka filluar të enjten lidhur me dekretimin e Blerim Isufajt
Të parët presidentja, Vjosa Osmani, i takoi shoqërinë civile, që monitoruan procesin e përzgjedhjes së Kryeprokurorit të Shtetit.
“Është thelbësore që çdo emërim të jetë rezultat i një procesi transparent dhe të drejtë, dhe çdo kandidat të ketë integritet të dëshmuar përgjatë karrierës. Këto janë parime themelore të cilat i kam ndjekur në çdo emërim që kam bërë”.
Por, Këshilli Prokurorial nuk qëndroi duar kryq.
Si ushtrues detyre të Kryeprokurorit të Shtetit, u caktua Besim Kelmendi.
“Këshilli Prokurorial në mbledhjen e 214, me votim unanim ka caktuar prokurorin Besim Kelmendi, ushtrues detyre të Kryeprokurorit të Shtetit.”
Megjithëse ushtrues detyre, Kelmendi do të ketë kompetenca të plota.
E emërimi i kryeprokurorit të ri, sipas avokatit, Arbër Jashari pritet të zgjatet.
Procesi i përzgjedhjes së kryeprokurorit ishte kritikuar nga ndërkombëtarët dhe vendorët, duke u vlerësuar si proces me shumë mangësi.
Kronika e realizuar nga Florijeta Dernjani
