Portieri i Kombëtares së Kosovës, Arijanet Muriq pati një paraqitje të shkëlqyer, por nuk arriti ta shpëtojë Sassuolon nga humbja.
Sassuolo u mposht 2:1 nga Interi, ndërsa Muriq u vlerësua me notën 7.6 për paraqitjen e tij në këtë përballje.
Ai bëri pesë pritje brenda zonës dhe ishte më i vlerësuari te Sassuolo, ndërsa ka marrë lëvdata edhe nga trajneri i Interit, Christian Chivu.
“Kishim shumë nevojë për këtë fitore dhe patëm një paraqitje të mirë. Mund ta kishim mbyllur më herët ndeshjen dhe të fitonim me thellë, por përballë patën një portier në formë të shkëlqyer”, ka pranuar Chivu.
Për portierin e Kosovës, i cili u huazua te Sassuolo nga Ipswich Towni, kjo ishte paraqitja e tij e tretë në Serie A të Italisë.
