Portieri i Kombëtares së Kosovës, Arijanet Muriq është shpërblyer për paraqitjet e mira që i ka pasur përgjatë vitit 2024 me skuadrën angleze, Ipswich Town.
Ai është përfshirë në formacionin më të mirë të vitit 2024 nga top 20 ligat më të mëdha në botë, të publikuar nga faqja e specializuar për vlerësimet e futbollistëve, “Sofascore”.
Në këtë formacion janë vlerësuar futbollistët për paraqitjet që i kanë pasur gjatë vitit të shkuar si me Kombëtare ashtu edhe me klube.
Portieri kosovar, Muriq është vlerësuar me notën 7.48 për të zënë vend në portën e formacionit më të mirë të vitit.
Pjesë e këtij formacioni janë edhe lojtarët e njohur si Achraf Hakimi, Alejandro Grimaldo, Rodri, Lionel Messi, Bruno Fernandes e Viktor Gyokeres.
Portieri Muriq në vitin 2024 ka regjistruar 17 paraqitje me fanellën e Ipswichit, ndërsa me Kombëtaren e Kosovës ka katër ndeshje të luajtura.
