Kombëtarja e Polonisë do të jetë pa lojtarin kryesor në ndeshjen e parë të “Euro 2024” që starton të premten.
Sulmuesi Robert Lewandowski do t’i mungoj Polonisë në duelin kundër Holandës, i cili luhet të dielën prej orës 15:00 dhe i takon Grupit D.
Lewandowski do të mungoj për shkak të lëndimit që e pësoi në ndeshjen miqësore ndaj Turqisë. Krahas Lewandowskit, Polonia nuk do ta ketë në dispozicion as sulmuesin tjetër, Arkadiusz Milik që shkaku i lëndimit ka mbetur jashtë Evropianit.
Mungesa do të ketë edhe Holanda, e cila do të jetë pa mesfushorët Frenkie De Jong e Teun Koopmeiners që shkaku i lëndimit nuk do jenë pjesë e ekipit në Evropian.
Pjesë e këtij grupi janë edhe Austria e Franca, të cilat do të përballen të hënën prej orës 21:00.