“Polonia denoncon marrëveshjen ndërqeveritare të gazit të vitit 1993 për [tubacionin] Yamal”, shkroi Moskwa në Twitter.
“Agresioni rus kundër Ukrainës konfirmoi korrektësinë e vendosmërisë së qeverisë polake në drejtim të pavarësisë së plotë nga gazi rus.”
“Ne e kemi ditur gjithmonë se Gazprom nuk është një partner i besueshëm,” shtoi ajo.
Marrëveshja përfshinte furnizimin me gaz nëpërmjet tubacionit Yamal dhe ndërtimin dhe mirëmbajtjen e infrastrukturës në lidhje me tranzitin e gazit përmes Polonisë, raporton CNN, përcjell teve1.info
Ndërsa, që nga e diela, Lituania ka shkurtuar plotësisht importet e furnizimeve ruse të energjisë duke përfshirë naftën, energjinë elektrike dhe gazin natyror. Kjo erdhi një ditë pasi Rusia ndaloi eksportet e saj të gazit natyror në Finlandë.
Polonia dhe Bullgaria u ndërprenë në fund të prillit për shkak se nuk bënin pagesa në monedhën ruse — një veprim që udhëheqësit e BE-së e përshkruan në atë kohë si “shantazh” nga Moska.
