Panchev tha se ndjehet shumë skeptik lidhur me dialogun pasi që, sipas tij, Serbia ka qëllime agresive ndaj Kosovës, por edhe ndaj shteteve tjera në Ballkan.
“Unë jam shumë skeptik sepse Serbia ka qëllime shumë agresive jo vetëm ndaj Kosovës, por edhe ndaj disa shteteve të tjera në rajonin e Ballkanit. Serbia sipas meje pret rezultate nga lufta në Ukrainë me një sukses eventual rus.. nuk do të ketë por me një hipotezë të tillë, Serbia do të ketë edhe më shumë kërkesa dhe do të sillet edhe me më shumë agresivitet ndaj Kosovës dhe ndaj shteteve të tjera”, tha ai.
Sipas politologut bullgar, Serbisë i konvenon situata e tensionuar pasi që thotë se ajo gjithmonë shpreson të nxjerrë përfitime.
“Serbisë i konvenon, lidershipit atje i konvenon kjo situatë e tensionuar sepse si gjithmonë shpreson se do të nxjerrë më shumë përfitime sepse në Beograd dominon mendimi i vjetër që marrëdhëniet ndërmjet e shteteve duhet të shihen nën prizën e përfitimit dhe humbjes, pra këtu kemi një mendim shumë të vjetër që do të sjellë në të ardhmen probleme të tilla” theksoi Panchev.
Ndërkohë sot në Bruksel është mbajtur takimi Kurti – Vuçiq ku të pranishëm gjatë takimit të krerëve të dy shteteve ishin edhe përfaqësuesi i lartë i Bashkimit Evropian, Josep Borrell dhe përfaqësuesit special për dialogun, Miroslav Lajçak.
Në këtë takim nuk është arritur asnjë marrëveshje, mirëpo Përfaqësuesi i lartë i BE-së, Josep Borrell është deklaruar se palët nuk do të dorëzohen dhe që të dy liderët janë pajtuar që të gjejnë një mënyrë të vazhdojnë tutje në këtë rrugëtim./Tev1.info/
