Politikani shqiptar në Amerikë, Gino Mulliqi ka dhënë alarmin se Serbia dhe Republika Serpska, janë duke lobuar fuqishëm në ShBA të kongresistët për siç ka thënë ai ndryshuar historikun e luftës në Kosovë.
Për këtë ai ka thënë se Kosovës i duhen institucione stabile, duke bërë thirrje që të gjendet një marrëveshje për formimin e institucioneve.
Ai në emisionin “InfoNata” ka thënë se Kosova ka shumë punë për të bërë në arenën ndërkombëtare dhe nuk duhet humbur kohë në formimin e institucioneve.
“Është e domosdoshme që të kemi një stabilitet një qeveri që merret me problemet e përditshme të qytetarit, por edhe në rangun botëror neve na duhet një zgjidhje, përfaqësim, angazhim më i adh që kemi sot. Serbia dhe Republika Serpska po bëjnë shumë, jo vetëm në BE por edhe në ShBA, me kompani lobimi. Janë në një vrull shumë të madh ndaj ligjvënësve amerikanë dhe po mundohen ta ndryshojnë edhe historikun e përbërjes e luftës së Kosovës dhe çka ka ndodhë. Qeverinë e Kosovës, presidentin apo presidenten e pret një punë e madhe”, ka thënë Mulliqi .
Ai megjithatë ka përshëndetur takimet që po zhvillohen mes Lëvizjes Vetëvendosje dhe Lidhjes Demokratike të Kosovës, por ka theksuar se nuk duhet humbur kohë.
“Sa më parë të formohet qeveria, institucionet të ecet përpara”, tha ai.
Kryetari i Vetëvendosjes, Albin Kurti, dhe ai i LDK-së, Lumir Abdixhiku, u ndan mbrëmë të kënaqur me propozimet e të dyja palëve për President konsensual. Prandaj, të dy thanë se dakordimi është i mundur të gjendet. Megjithatë, kaq optimist nuk janë njohësit e zhvillimeve politike në Kosovë.
