Jovanoviq ka thënë se partia e tij e përkrah këtë propozim.
“Koha që i kushtuam vetes duke refuzuar propozimet e mëparshme e ka bërë këtë shoqëri më të palumturën në Evropë, ndaj sot jemi mbytur në nacionalizmin që na ka shkatërruar ne dhe gjithçka rreth nesh. Çdo zgjidhje e ardhshme do të jetë më e pafavorshme për Serbinë, e sidomos në periudhën kur Evropa do të jetë e preokupuar me problemet e saj, pa shumë dëshirë të merret me Ballkanin dhe fatkeqësinë tonë”, ka shkruar ai.
Jovanoviq ka thënë se Serbia nuk duhet të rrezikojë që të margjinalizohet nga bota teksa i ka quajtur “më të këqinjtë”, ata që po përpiqen për ta bërë të qartë se Kosova nuk do të largohet më nga Beogradi.
“Çdo frikacak i tillë duhet të marrë përgjigjen e tij, sepse është e parëndësishme sot, më shumë se kurrë, kush për cilën parti dhe kush sa përqind ka – kjo është çështje e mbijetesës apo e margjinalizimit të Serbisë si një vend në zhdukje si pa Kosovën ashtu edhe me Kosovën”, ka shkruar Jovanoviq.
