Përmes komunikatës, Prokuroria Themelore e Mitrovicës njoftoi se polici B.T., 44-vjeçar vdiq aksidentalisht gjatë një trajnimi të rregullt.
“Prokuroria Themelore e Mitrovicës njofton opinionin se sot rreth orës 10.30 në poligonin e gjuajtjes të policisë në fshatin Cërrnushë të Mitrovicës, një polic me iniciale B.T 44 vjeç., deri sa ka qenë në gjuajtje në kuadër të një trajnimi të rregullt, aksidentalisht i është shkrepur arma zyrtare dhe për pasojë është plagosur dhe është transportuar menjëherë në Spitalin Rajonal në Mitrovicë ku personeli mjekësor ka konstatuar vdekjen e tij. Në vendin e ngjarjes ka dalur prokurori kujdestar I DKR të PTH Mitrovicë, dhe sipas informacioneve të para rasti ka ndodhur aksidentalisht”, thuhet ndër tjerash në komunikatë.
Tutje, Prokuroria ka njoftuar se trupi i pajetë i të ndjerit është dërguar për autopsi në Institutin e Mjekësisë Ligjore në Prishtinë./teve1.info/
