Kjo është njëra nga kompetencat e reja të tyre më ligjin për Policinë Ushtarake.
“Më ligjin që pritet të miratohet së shpejti i ushtron autorizimet e veta në kazermat apo në zonat e operacionit ku operon FSK-ja, në hapësirat e MM-së, jashtë kazermave ndaj personelit të FSK-së dhe MM-së, si dhe ndaj personave që bien ndesh me urdhrat e ligjshëm”, ka thënë koloneli Sefer Isufi.
Madje në bazë të këtij Projektligji kjo Polici do të ketë kompetenca mbi të gjitha prezencat ndërkombëtare përfshire edhe KFORI-in, në rast se cenohet veprimtaria e FSK-së.
Kështu thuhet në nenin 7 pika dy e këtij projektligjet.
“PU-ja autoritetin e saj e ushtron mbi të gjitha subjektet ushtarake dhe civile, vendore dhe të huaja, me ose pa shtetësi, të cilat me veprimet e tyre cenojnë veprimtarinë e Forcës së Sigurisë të Kosovës brenda dhe jashtë vendit”.
Por për këtë kolonel Sefer Isufi ka një sqarim.
“Është nxjerr dispozita në procesin e hartimit të projektligjit, është nxjerrë nga konteksti, fjala ka qenë që Policia Ushtarake ushtron autoritetin e saj mbi secilin person i cili mund të cenojë integritetin edhe fizik edhe operacional të FSK-së teatrin e operacioni apo stërvitjeve ku realizojnë FSK”
Derisa njohësi i sigurisë, Nuredin Ibishi ka disa kritika për këtë ligj.
Projektligji për Policin Ushtarake është votuar në parim nga deputet e Kuvendit të Kosovës, derisa pritet që së shpejti të votohet në lexim të dytë.
Kronika e realizuar nga Doresa Geci
