Policia e Kosovës ka njoftuar se ka arrestuar një person dhe ka intervistuar një tjetër në një operacion nga njësia anti drogë në Prishtinë.
Sipas komunikatës së PK-së pas hetimeve në një operacion në lagjen e Muhagjerët në Prishtinë në shtëpinë e të dyshuarit A.B dhe veturën e Sh.I janë gjetur sasi të narkotikëve.
“Gjatë kontrollit, tek i dyshuari A.B janë gjetur dhe konfiskuar 117.8 gram marihuan në një paketim të vetëm dhe 24 paketime të vogla me 26 gram marihuan të gatshme për shitje. Në veturën e personit të dytë, Sh.I, është gjetur një paketim i vogël me 1 gram marihuan. Pas urdhrit të Prokurorit Kujdestar, është kryer kontroll edhe në banesën dhe bodrumin e të dyshuarit A.B, ku ne bodrum janë gjetur edhe 79.7 gram marihuan të ndarë në paketime për shitje, një peshore digjitale, dy paketime me foli dhe një telefon”, thuhet në komunikatë.
Sipas PK-së të gjitha provat materiale janë konfiskuar nga Njësia e Forenzikës Rajonale – Prishtinë. I dyshuari A.B është ndaluar për 48 orë me urdhër të Prokurorit, ndërsa personi Sh.I është intervistuar si dëshmitar.
