Policia e Kosovës në rajonin e Prizrenit, gjatë javës së kaluar ka shqiptuar 2257 gjoba për kundërvajtësit të cilët kanë rënë ndesh me ligjin për rregullat e trafikut rrugor.
Sipas policisë në vazhdën e implementimit të planit operativ “Siguria në trafikun rrugor dhe Sezoni veror”, janë hetuar 22 aksidenteve të komunikacionit me dëme materiale, hetim i tetëmbëdhjete aksidenteve të komunikacionit me të lënduar, si dhe janë shqiptuar masa e ndalim drejtimit të mjeteve për nëntëmbëdhjetë ngasës”, thuhet në njoftim.
Njësitet policore të Drejtorisë Rajonale të Policisë Prizren sipas njoftimit vazhdojnë të mbajnë pika të shumta të kontrollit të automjeteve me qëllim të prezencës sa më të madhe në terren dhe parandalimit të aksidenteve të komunikacionit rrugor, me theks të veçantë të aksidenteve me fatalitet./teve1.info/