Një 52 vjeçar i arrestuar më 2 nëntor për dyshimin e kryerjes së tetë vjedhjeve të rënda, u bë objekt i një kontrolli policor sot në një lokacion në Prishtinë.
Hetuesit, në koordinim me Prokurorinë e Shtetit, gjetën dhe sekuestruan 7 telefona, 11 orë dore, stoli dhe pajisje të tjera të punës dhe teknologjike, që dyshohet se i kishte vjedhur.
“Pas përfundimit të procedurave ligjore, sendet e sekuestruara do t’u kthehen pronarëve të ligjshëm”, thuhet në njoftim.
