Policia e Kosovës ka arrestuar katër persona, të njëjtëve i është gjetur dhe sekuestruar sasi të substancave narkotike që dyshohet të jenë të llojeve, marihuanë dhe kokainë.
Policia ka bërë të ditur se personat e dyshuar janë ndaluar në dy raste të ndara, derisa policia po kryente kontollë rutinë të veturave në lokacione të ndryshme, raporton teve1.info
“Policia e Rajonit të Prishtinës në kuadër të punës së saj për parandalimin e veprimtarive kriminale që po i sjellin dëme shoqërisë, ka intensifikuar veprimet e saj në drejtim të identifikimit dhe kapjes së personave të përfshirë në raste kriminale. Nga njësite policore të stacionit të Veriu në Prishtinë, janë shoqëruar katër persona të dyshuar, të cilëve u është gjetë dhe sekuestruar sasi të substancave narkotike që dyshohet të jenë të llojeve : mariuhanë dhe kokainë”, thuhet në njoftim.
Pas intervistimit të personave të dyshuar, ndaj tyre janë iniciuar raste për posedim të paautorizuar të substancave narkotike, psikotrope ose analoge.
