Një aksion i zhvilluar nga Policia e Kosovës ka çuar në zbulimin dhe konfiskimin e një sasie të konsiderueshme mallrash që dyshohet se janë futur ilegalisht në vend.
Sipas njoftimit zyrtar, autoritetet policore kanë vepruar pas pranimit të informacioneve se në një shtëpi të pabanuar në komunën e Vitisë po ruheshin mallra të kontrabanduara, të cilat dyshohet se kishin hyrë nga Maqedonia e Veriut përmes rrugëve të paligjshme.
Pas ndërmarrjes së veprimeve operative dhe hetimore, njësitë policore kanë lokalizuar objektin e dyshuar dhe kanë kryer kontrollin e tij.
Gjatë operacionit janë gjetur dhe sekuestruar mallra të ndryshme, për të cilat ekziston dyshimi se janë kontrabanduar në territorin e Kosovës.
Sipas policisë, shtëpia e braktisur dyshohet se shërbente si pikë për fshehjen dhe depozitimin e mallrave të futura ilegalisht në vend. /teve1.info/
