Sipas njoftimit të Policisë, një armë e tipit “Zoraki” dhe 7 fishekë janë gjetur një veturë në rrugën “Bill Klinton” pas vetura ishte ndalë për një kontrollë rutinore.
“Sekuestrimi i armës (tipi Zoraki) dhe një karikator me 7 fishekë, është bërë në rrugën “Bill Klinton” në Prishtinë, kur personi/ automjeti me të cilin po lëvizte i dyshuari, është ndaluar nga zyrtarët policor të stacionit jugu, për një kontrollë rutinore”, njofton PK.
Ndërsa në rastin e dytë, sipas policisë njësitet e stacionit policor veriu, pasi i janë përgjigjur një informate për të shtëna me armë në rrugën “Bajram Bahtiri”, kanë arrit të gjejnë dhe sekuestrojnë, një armë zjarri dhe një elektroshok.
“Personat e dyshuar të të dyja rasteve janë shoqëruar në stacion policor dhe ndaj tyre është iniciuar rast për mbajtje në pronësi, kontroll ose posedim të pa autorizuar të armës, dhe në konsultim me prokurorin e shtetit, janë liruar në procedurë të rregullt”, thuhet në njoftimin e PK-së.
