Policia e Kosovës ka sekuestruar dy armë zjarri në fshatin Grashticë dhe në rrugën “Mihail Grameno” në Prishtinë.
Policia ka bërë të ditur se është bërë edhe identifikimi i personave të dyshuar në koordinim me prokurorinë.
Armët dyshohet se janë përdorur në natën e Vitit të Ri, derisa ndaj të dyshuarve është iniciuar rast për veprat “Mbajtje në pronësi, kontroll apo posedim i paautorizuar i armës” dhe “Përdorim i armës”.
“Hetuesit policor pas identifikimit të personave të dyshuar në koordinim me prokurorinë, kanë kryer kontrolle në dy lokacione (në fshatin Grashticë dhe në rrugën Mihail Grameno në Prishtinë), ku kanë gjet dhe sekuestruar dy armë zjarri”, thuhet në njoftim./teve1.info/
