Policia e Kosovës ka njoftuar se tre persona janë zhdukur.
Rasti i parë ka ndodhur në Lipjan kur babai të dielën ka raportuar se nuk di asgjë për vendndodhjen e djalit të tij.
“Ankuesi mashkull kosovar ka raportuar se djali i tij mashkull kosovar ka dalë nga shtëpia dhe nuk dihet vendndodhja e tij. Rasti është duke u hetuar”.
Rasti tjetër ka ndodhur në Gjilan ku është zhdukur një person me të meta mendore.
“ 08.12.2024 – 09:00. Ankuesja kosovare ka raportuar se djali i saj mashkull kosovar me të meta mendore, ka dalë nga shtëpia dhe nuk dihet vendndodhja e tij. Rasti është duke u hetuar”, thuhet në njoftim.
Ndërsa një javë më herët është zhdukur edhe një vajzë në Ferizaj.
Sipas policisë rasti është duke u hetuar.
“Ferizaj / 02.12.2024 – 17:30. Ankuesi mashkull kosovar ka informuar se vajza e tij viktima femër kosovare e mitur është larguar nga shtëpia ditë më parë dhe nuk është kthyer më. Rasti është duke u hetuar”, thuhet në raportin e policisë.
