Policia e Kosovës, është duke kryer aksion në filialet e Bankës së Kursimeve në katër komunat në veri të Kosovës, Mitrovicë e veriut, Leposaviq, Zveçan dhe Zubin Potok.
Lajmin për Tëvë 1 e ka konfirmuar Veton Elshani, zëvendës drejtor i policisë për rajonin e veriut.
Ai ka bërë të ditur se në këtë aksion ku po dyshohet për veprimtari të kundërligjshme po marrin pjesë edhe zyrtarë të Administratës Tatimore të Kosovës.
“Në bazë të informacioneve të pranuara se në disa biznese në Veri të vendit është duke u zhvillu veprimtari e kundërligjshme, me autorizim të prokurorit kemi ndërhy dhe të njëjtat jemi duke i kontrolluar. Me neve është edhe ATK”, ka thënë Elshani.
Në aksion po marrin pjesë edhe ushtarët e KFOR-it.
