Policia e Kosovës është duke intervistuar dy persona të dyshuar për shpërndarjen e fletushkave në veri të Mitrovicës, në të cilat bëhet thirrje për sulm ndaj Policisë së Kosovës.
Sipas burimeve të Tëvë 1 brenda PK-së ata janë sjellë në stacion për intervistim në orët e mbrëmjes të martën.
Të njëjtat burime, kanë bërë të ditur se njëri nga të dyshuarit është edhe drejtori i sallës se Sportit ne Mitrovice te veriut, ne te cilën është mbajtur edhe peticioni i grupit nismëtar serb për shkarkimin e kryetarit, Erden Atiq.
Lajmin për teve1.info, e konfirmoi edhe Zëvendësdrejtori i Policisë për veriun e Kosovës, Veton Elshani, i cili njoftoi se sot në Mitrovicë kanë bastisur 4 lokacione lidhur me rastin e thirrjes për rezistencë, me ç’rast kanë ndaluar dy persona, teksa janë në kërkim për të tretin.
“Sot gjatë orëve të pasdites në Mitrovica Veri i kemi bastis 4 lokacione në lidhje me rastin e thirrjes për rezistencë dhe i kemi ndalu dy persona, ndërsa jemi në kërkim edhe të një personi të tretë. Pas intervistimit të tyre do të vendoset për veprimet e tjera. Të dyshimtët e ndaluar G.K. (1978) dhe D.S.(1971)”, njoftoi Elshani./teve1.info/.
