Sipas njoftimit të Policisë, gjatë kontrollit të një automjeti është vërejtur se personi që po ngiste automjetin kishte ngarkuar 15 dele, të cilat nuk kishin të vendosur në vesh martikula.
“Njësitet e task-forcës operative të DRPK-Lindjes, pas pranimit të informatave nga tereni për lëvizje të dyshimta (kontrabandë me mallra) në brezin kufitar me Maqedoninë, kanë ndërmarr masa të nevojshme operativo-taktike duke ngritur prita dhe kontrolle në rrugët e brezit kufitar dhe rrugët dytësorë të fshatrave të Vitisë. Sot, më 14 dhjetor 2022, rreth orës 12:20, në fshatin Debellde, në drejtim të Vitisë është vërejtur duke qarkulluar një automjet transportues ngjyrë e bardhë me targa vendore. Njësitet policore kanë arritur ta ndalojnë automjetin të cilin e ngiste një mashkull kosovar. Gjatë kontrollit të automjetit, është vërejtur se në të kishte të ngarkuar kafshë të imta (15 dele), të cilat nuk kishin të vendosura në vesh martikula”, thuhet në njoftim.
Sipas njoftimit, nën dyshimin se i dyshuari ka kryer veprën penale “Kontrabanda me mallra”, duke sjellë në mënyrë ilegale kafshë nga Maqedonia e Veriut, është iniciuar rasti, i cili është duke u trajtuar nga njësitë përkatëse policore nga Drejtoria Rajonale Kufitare-Lindje. /Teve1.info/