Sipas komunikatës së Policisë, në një automjet të dyshuar gjatë kontrollimit janë gjetur 24 lloje të barërave të sjella në mënyrë ilegale nga Maqedonia eVeriut në Republikën e Kosovës.
“Si rezultat i veprimeve të marra, njësitë policore kanë arritur që ta ndalojnë automjetin e dyshuar me targa vendore me drejtues të dyshuarin mashkull kosovar, me ç’rast gjatë kontrollimit janë gjetur një sasi e konsiderueshme e barërave të llojeve të ndryshme (24 lloje të barërave si: Daleron, Xanax, Sintrom 4, Kalcium Karbonat, Dilakor 0.25mg, Andoll 100 mg, Promolut Nor 5mg, Helex 0.25 mg etj.) të cilat janë sjellë në mënyrë ilegale nga Republika e Maqedonisë së Veriut në Republikën e Kosovës”, thuhet në njoftimin e Policisë.
Në lidhje me rastin, sipas komunikatës, është konsultuar prokurori kompetent i cili ka urdhëruar që personi i dyshuar të ndalohet për 48 orë, ndërsa malli i kontrabanduar të dërgohet në terminalin doganor.
Rasti i kompletuar i dërgohet njësive kompetente për trajtim të mëtutjeshëm.