Policia ka bërë të ditur se gjatë vëzhgimit dhe pritës kanë identifikuar dy vetura të ndryshme, njëra me targa të Serbisë ndërsa tjetra me targa vendore.
“Me datë 19.07.2022 rreth orës 07:00 Policia e Kosovës gjatë vëzhgimit dhe pritës afër vijës kufitare Kosovë – Serbi bazuar edhe në analizën e riskut dhe informacioneve inteligjente të bëra nga ana e njësive të policisë kufitare, kanë identifikuar dy vetura të ndryshme njëra me targa të Serbisë dhe tjetra me targa vendore, që të dyja me ngasës dy të dyshuarit meshkuj kosovarë”, thuhet në njoftim.
Policia ka njoftuar se gjatë kontrollit tek veturat janë gjetur sasi të pijeve alkoolike.
“Gjatë kontrollit të realizuar tek vetura e parë janë gjetur sasi e pijeve alkoolike 26 arka –birrë me gjithësej 520 copë, ndërsa tek vetura e dytë janë gjetur 24 arka (me birrë) dhe 80 shishe birrë, në total gjithësej 560 copë”, thuhet në njoftim.
E malli dyshohet se ka ardhur nga Serbia përmes rrugëve malore në Kosovë, kështu ka bërë të ditur Policia e Kosovës përmes një njoftimi.
Lidhur me rastin Njësia e Hetimeve Rajonale e Drejtorisë Kufitare-Lindje është duke i trajtuar këto dy raste dhe në bashkëpunim me prokurorinë përkatëse pas hetimeve preliminare malli i konfiskuar do t’i dorëzohet Doganës së Kosovës./teve1.info
