Përmes këtij helikopteri gjatë javës janë transportuar mallra të nevojshme për ushtarët e NATO-s për në bazën e KFOR-it në veri të vendit.
Por këtë mundësi nuk mund të shfrytëzojë Policia e Kosovës.
Meqë edhe pas dy dekadave punë, Policia nuk ka siguruar helikopterë për transport e intervenim.
E sipas ish drejtorit të Policisë së Kosovës, Rashit Qalaj ka pasur tentativa disa herë që të blihen këto pajisje.
Por furnizimi më këto mjete nuk është bërë për një arsye.
Ndërsa nga Sindikata e Policisë së Kosovës, po kërkojnë që buxheti i ndarë për këtë institucion të sigurisë të dyfishohet në mënyrë që të blihen helikopterët.
Nevoja e helikopterëve sipas njohësit të sigurisë, Avini Islami, po vërehet në këto ditë kur rrugët që të dërgojnë në veri janë bllokuar.
Në buxhetin e ndarë për vitin 2023, Qeveria nuk e ka në plan blerjen e këtyre mjeteve.
Mirëpo për armë dhe pajisje speciale për Policinë ,për vitin e ardhshëm ekzekutivi ka ndarë mbi 1.4 milionë euro.
Kronika e realizuar nga gazetarja Doresa Geci.
