Profesori i shkencave politike, Dorajet Imeri ka thënë se Kuvendi i Kosovës nuk është i konstituuar, por funksional.
Ai duke folur për moszgjidhjen e nënkryetarit nga komuniteti serb, ka thënë se praktikat tregojnë se duhet të zgjedhur të gjithë nënkryetarët, por sipas tij, Lista Serbe nuk ishte e gatshme të kontribuoj në këtë proces.
“Kuvendi s’është i konstituuar por është funksional. Praktika flet ndryshe, pasi duhet të plotësohet. Kishte një përpjeke të disa hershme për ta zgjedhur një nënkryetar por nuk ishte e mjaftueshme. Lista Serbe nuk ishte e gatshme të kontribuoj në këtë proces, më la përshtypjen sikur ata e kanë synimin për të bllokuar këtë proces”, ka thënë ai në emisionin “InfoNata” në Tëvë1.
Ai ka thënë se duhet të ecet përpara dhe të gjenden bazat ligjore, pasi siç është shprehur ai, Kosova nuk mund të jetë peng i një grupi të caktuar që ka synime sabotimi.
“Kosova nuk mund të jetë peng i një grupi të caktuar që ka synime ose ta sabotojë qeverinë ose ta pengoj procesin e ligjvënës. Është gabim që të krijohet një ide e një superfuqie që minoritaret mund të kenë në Kosovë dhe konsideroj që partitë politike të shkojnë tutje sikurse të gjejnë bazat ligjore të drejta dhe të duhura, por gjithmonë duke respektuar pakicën serbe”, tha ai.
