Një shpërthim ka ndodhur tek një lokal në Ranillug të shtunën rreth orë 22:45.
Siç ka njoftuar Policia e Kosovës lokali është në pronësi të Z,M, i një serbi nga Kosova. Policia ka bërë të ditur se për rastin janë informuar një ditë më vonë.
Sipas PK-së përveç dëmeve materiale nuk ka pasur të lënduar.
“Me datën 06.08.2023 rreth orës 14:15 Stacioni i Policisë Ranillug ka pranuar informacion se tek lokali i quajtur ,,Kod Maksi” pronë e Z.M. (mashkull, kosovar serb) dyshohej se ka shpërthyer një mjet shpërthyes. Rasti dyshohet të këtë ndodhur më datë: 05.08.2023 rreth orës 22:45. Njësitet policore relevante patrulluese, hetues nga Stacioni Policor Ranillugë, hetues rajonal duke përfshirë Krim Teknikën Rajonale dhe Njësia për trajtimin e mjeteve eksplozive i janë përgjigjur rastit. Nga vendi i ngjarjes është raportuar se nga ky rast lëndime trupore nuk ka pësuar askush përpos disa dëmeve të vogla materiale”, thuhet në komunikatë.
Policia ka bërë të ditur se pronari i lokalit nuk është takuar nga policia pasi i njëjti për momentin gjendet në pushime jashtë Republikës së Kosovës.
“Rrethanat se si ka ndodhur rasti vazhdojnë të hetohen nga Hetues Rajonal të Policisë në koordinim të plotë me Prokurorinë e Shtetit”, thuhet tutje në komunikatë.
Ndërsa, në një reagim Lista Serbe, ka thënë se lokali është pronë e deputetit, Zoran Maksimoviqku ka kërkuar zbardhje të rastit./teve1.info/
