Policia e Kosovës ka nisur hetimet për vdekjen e një gruaje të enjten mbrëma në Komunën e Vitisë.
Në raportin 24-orësh thuhet se, gruaja fillimisht kishte kërkuar ndihmë mjekësore në Shtëpinë e Shëndetit në Viti, ndërsa më pas ishte transferuar në Spitalin Rajonal të Gjilanit.
Sipas ekipit mjekësor, ajo ka arritur në spital pa shenja jete.
Me vendim të prokurorit, trupi i pajetë i viktimës është dërguar në Institutin e Mjekësisë Ligjore (IML) për obduksion.
“Viktima femër kosovare ka kërkuar ndihmë mjekësor në Shtëpinë e Shëndetit në Viti dhe e njëjta është transferuar në spitalin rajonal Gjilan e cila sipas ekipit mjekësor ka arritur pa shenja jete. Me vendim të prokurorit trupi pa jetë i viktimës është dërguar në IML për obduksion, rasti në hetime”, thuhet në raportin e Policisë së Kosovës./teve1.info/
