Policia e Kosovës ka nisur hetimet për vdekjen e dy personave në Obiliq e Istog.
Rasti i parë ka ndodhur dje në Obiliq, ku është raportuar në polici se viktima është gjetur pa shenja jete.
“Në vendin e ngjarjes kanë dalë njësit relevante ku mjeku kujdestar ka konstatuar vdekjen e viktimës. Me vendim të prokurorit, trupi i pa jetë është dërguar në IML për obduksion”, thuhet në raportin ditor të PK-së.
Ndërsa, rasti i dytë ka ndodhur në Istog, ku trupi i pajetë i viktimës është dërguar në IML për obduksion.
“Ankuesi mashkull kosovar ka raportuar se viktima mashkull kosovar ishte pa shenja jete. Njësit relevante kanë dalë në vendin e ngjarjes ku mjeku kujdestar ka konstatuar vdekjen e viktimës. Me vendim të prokurorit, trupi i pa jetë është dërguar në IML për obduksion”, thuhet në njoftim./teve1.info/
