Policia e Kosovës ka nisur hetimet për vdekjen e një personi, mbrëmë në Pejë.
I dyshuari është gjetur pa shenja jete, ndërkohë që vdekja e tij është konstatuar nga ekipi mjekësor në vendin e ngjarjes.
Në raportin ditor është bërë e ditur se njësitet përkatëse policore kanë konfiskuar një armë, e cila dyshohet se është përdorur në rast.
“Rr. Cufë Nikqi, Pejë 15.09.2025 – 19:22. Njësitet policore pas pranimit të informatës lidhur me rastin, ku kanë hasur një person pa shenja jete. Ekipi mjekësor në vendin e ngjarjes ka konstatuar vdekjen e viktimës, ndërsa njësitet policore kanë konfiskuar një armë e cila dyshohet se është përdorur”, thuhet në njoftim.
Me urdhër të prokurorit, trupi i pajetë është dërguar në Institutin e Mjekësisë Ligjore për obduksion.
Ndërkaq, përveç këtij, Policia e Kosovës ka nisur hetimet edhe për një tjetër rast, i cili raportohet se ka ndodhur në orën e njëjtë në po të njëjtin qytetet.
Rasti i dytë ka të bëjë me një të burgosur, i cili ka vdekur gjatë trajtimit në Spitalin e Pejës.
“Rr. Nëna Terezë, Pejë 15.09.2025 – 19:20. Një mashkull kosovar, i cili ishte dërguar për trajtim mjekësor në Spitalin Rajonal në Pejë ka ndërruar jetë. Njësitet policore kanë dalë në vendin e ngjarjes, ndërsa ekipi mjekësor ka konstatuar vdekjen e viktimës”, thuhet në raport. /teve1.info/
Një person gjendet pa shenja jete në Pejë, Policia jep detaje
