Policia e Kosovës e ka konfirmuar se po heton rastin të cilin sot e ka paraqitur një nënë vetushqyese, e cila pretendon se fëmija i saj 11-vjeçar është dhunuar e bullizuar nga bashkëmoshatarët e tij të shkollës “Abdullah Shabani”, në Mitrovicë.
Kështu ka bërë të ditur për teve1.info, zëdhënësi i Policisë së Kosovës për rajonin e Mitrovicës, Avni Zahiti.
“Bazuar në kompetencat dhe autorizimet policore në koordinim edhe me institucionet relevante për trajtimin e të miturve policia ka filluar të trajtoj këtë rast”, tha ai.
Valbona Krasniqi, sot përmes një postimi në Facebook, ka deklaruar për bullizimim, dhunë e kërcënim ndaj djalit të saj 11-vjeçar, e cila ka deklaruar se po keqtrajtohet nga “fëmijët e të fortëve”.
Ndërkaq, për Tëvë1, drejtori i Shkollës “Abdullah Shabani”, në Mitrovicë, Nazmi Beka ka demantuar rastin e nënës vetushqyese.
Ai tha se 11-vjeçari është fëmijë i cili është larguar nga dy shkolla tjera të Mitrovicës, pasi që ka pasur sjellje delikuente./teve1.info/
Drejtori i shkollës demanton lajmin se 11-vjeçari është dhunuar e bullizuar nga bashkëmoshatarët
Nëna vetëushqyese ankohet për bullizim e dhunim ndaj të birit të saj në një shkollë në Mitrovicë
