Dy raste të vdekjeve një në Prishtinë dhe Gjakovë po hetohen nga Policia e Kosovës.
Sipas Policisë së Kosovës një grua ka vdekur në QKUK ku ishte transferuar pas keqësimit të gjendjes shëndetësore.
“Është raportuar se viktimës femër kosovare pasi i ishte keqësuar gjendja shëndetësore është ftuar ambulanca, e cila ka marrë viktimën dhe e ka dërguar në QKUK, ku aty ka ndërruar jetë. Me vendim të prokurorit trupi i pajetë është dërguar në IML për Obduksion”, thuhet nga Policia.
Ndërsa, një burrë ka vdekur në Spitalin Rajonal të Gjakovës, rast ky i cili është duke u hetuar.
“Raportohet se në spitalin rajonal ka ndërruar jetë viktima mashkull kosovar. Me vendim të prokurorit trupi i pajetë është dërguar në IML për obduksion”, thuhet nga policia.
