Në stacionin policor “Qendra” në Prishtinë, Policia e Kosovës ka nisur dislokimin e pajisjeve dhe dokumenteve, të cilat dyshohet se janë përdorur për veprimtari të jashtëligjshme.
Ekipi i Tëvë1 nga atje ka bërë të ditur se gjësendet, si dokumentet dhe pajisjes i kanë larguar me një autoambulancë me tabela të Beogradit.
Ndërkohë, stafi që është duke qëndruar në vendin e ngjarjes nuk është prononcuar për media.
Në fillim të muajit shkurt, nga Policia e Kosovës janë intervistuar dy persona, pasi që të njëjtit kanë qenë të dyshuar për kryerje të veprës penale “Ushtrimi i kundërligjshëm i veprimtarisë mjekësore ose farmaceutike”, veprimtari të cilën po e kryenin në aneksin e stacionit policor në Prishtinë.
Ndërkaq, sipas Prokurorisë në Prishtinë, nga bastisja e realizuar në muajin shkurt janë sekuestruar prova materiale të cilat do të shërbejnë në procedurën penale, ndërsa me vendim të Inspektoratit Shëndetësor objekti ishte mbyllur./teve1.info/
