Policia e Kosovës ka zhvilluar një aksion të gjerë gjatë muajit shtator në rajonin e Pejës, duke arrestuar 39 persona të kërkuar nga gjykatat.
Sipas njoftimit zyrtar, arrestimet janë kryer nga Drejtoria Rajonale e Policisë Pejë.
Nga të arrestuarit 14 persona janë dërguar për të vuajtur dënimin në qendrat e paraburgimit.
Të tjerët janë paraqitur në seanca gjyqësore dhe pas pagesës së gjobave janë liruar.
Policia ka theksuar se ky është vetëm njëri prej aksioneve të realizuara dhe se do të vazhdojë zbatimin e urdhëresave të lëshuara nga gjykatat kompetente. /teve1.info/
