Në kuadër të aktiviteteve të vazhdueshme për parandalimin e dukurive negative tek të rinjtë, Policia në Mitrovicën e Jugut po zhvillon ligjërata me nxënës të shkollave fillore dhe të mesme me temën “Bullizimi në shkollë”.
Qëllimi i këtyre ligjëratave është ngritja e vetëdijes së nxënësve për pasojat e bullizimit, si dhe promovimi i respektit të ndërsjellë dhe krijimi i një ambienti të sigurt dhe të shëndetshëm shkollor.
Gjatë ligjëratave, zyrtarët policorë kanë diskutuar me nxënësit për format e ndryshme të bullizimit, mënyrat e identifikimit dhe raportimit të rasteve, si dhe për rëndësinë e bashkëpunimit ndërmjet policisë, shkollës dhe prindërve në parandalimin e kësaj dukurie.
Policia ka bërë të ditur se aktivitetet e tilla do të vazhdojnë edhe në shkolla të tjera të rajonit, me synim që çdo nxënës të ndihet i sigurt, i respektuar dhe i përfshirë pozitivisht në mjedisin shkollor.
