Policia e Kosovës në Ferizaj është në kërkim të një personi i dyshuar për kanosje në një fshat të kësaj komune.
Në shtëpinë e të dyshuarit, i cili është i moshës 54 vjeçare, janë gjetur dhe konfiskuar një armë zjarri pushkë automatike, fishekë dhe një pistoletë me gjashtë fishekë.
Me vendim të prokurorit, rasti po hetohet dhe është cilësuar “Dhunë në familje, kanosje dhe armëmbajtje pa leje”.
“Policia e stacionit në Ferizaj, sot rreth orës 10:00 ka pranuar një informacion se në një fshat të Ferizajt është një rast i kanosjes. Policët e rendit e më pas edhe policët hetues i kanë marrë veprimet e menjëhershme dhe nën autorizim të prokurorit nga Prokuroria Themelore në Ferizaj, në prani të avokatit me detyrë zyrtare dhe dy dëshmitarëve, kanë realizuar një urdhër kontroll në shtëpinë e të dyshuarit E.B (M/K) i moshës 54 vjeçar, ku janë gjetur e më pas janë konfiskuar: një armë zjarri pushkë automatike me 139 fishekë dhe një tjetër armë zjarri (pistoletë) me 6 fishekë”, është bërë e ditur në komunikatën e Policisë.
