Policia e Kosovës në Gjilan ka shqiptuar gjoba ndaj dy drejtuesve të automjeteve BMW X5, pasi janë kapur nga kamerat e sigurisë duke kryer kundërvajtje të rënda në trafik.
Sipas Policisë, njëri nga vozitësit, me BMW X5 të kuqe, është evidentuar duke qarkulluar në kahun e kundërt dhe duke kaluar semaforin në dritë të kuqe.
Ndërkaq, drejtuesi i BMW X5 me ngjyrë të zezë është kapur duke tejkaluar në vijë të plotë, pranë vendkalimit për këmbësorë afër rreth-rrotullimit, veprim që ka rrezikuar pjesëmarrësit e tjerë në komunikacion.
Policia bëri të ditur se shkeljet janë dokumentuar përmes kamerave të sigurisë të vendosura në qytet, ndërsa pas identifikimit të vozitësve janë ndërmarrë masat ndëshkuese sipas legjislacionit në fuqi.
