Policia e Kosovës ka njoftuar se ka marrë masat e nevojshme për menaxhimin e situatës së sigurisë dhe mbarëvajtjen e aktiviteteve gjatë manifestimeve për “Vidovdan”, i cili pritet të mbahet nesër.
Policia ka bërë të ditur se sot ka mbajtur një takim në ambientet e Drejtorisë së Përgjithshme të PK-së, ku ka treguar se janë pasqyruar detaje të planit operacional dhe masat e planifikuar për këtë rast.
‘‘Përmes këtij njoftimi zyrtar, Policia e Kosovës APELON te të gjithë qytetarët dhe pjesëmarrësit që të manifestojnë në mënyrë të qetë, të shmangun çdo provokim të mundshëm, të respektojnë ligjet dhe udhëzimet e Policisë së Kosovës, e cila do të jetë prezentë me njësitë e saja për ofrim të sigurisë dhe parandalim të çdo veprimi të kundërligjshëm’’, thuhet në njoftim.
Më tej, PK-ja ka kërkuar mirëkuptim nga qytetarët lidhur me bllokimin e përkohshëm apo riorientimit të mundshëm të trafikut./teve1.info/
