Policia e Kosovës ka gjetur sërish armë në veri të Mitrovicës.
Armët janë gjetur të mërkurën në një shtëpi të pabanuar në lagjen “Bërxhane”.
Policia ka bërë të ditur se armatimi është gjetur pas informative nga qytetarët.
“ Lidhur me këto informata, policia ka ndërmarrë veprime të menjëhershme, ku si rezultat gjatë kontrollit në një shtëpi te braktisur kanë gjetur dhe sekuestruar dëshmitë si ne vijim: Një karikator të zbrazet për arme te gjate;Një bajonet;shishe plastike e mbushur me saqme;kapsula për fishek;sasi e barutit; një rryp brezi ushtarak; një minë kundër këmbësorik; pjesë për mbushje të fishekëve;detonator për minë;targa të automjetit të ish Milicisë, tre fishek të armës se gjuetisë; trembëdhjetë (13) fishek te kalibrave të ndryshëm; dy (2) fishek te kalibrit 12.7 mm;dy (2) fishek te kalibrit 20 mm, dy (2) gezhoja te kalibrit 12.7 mm; një xhaket ushtarake dimërorë;një palë doreza ushtarake; katër këmisha të Policisë se Serbisë”, thuhet nga Policia.
Sipas PK-së, pasi që ne dëshmitë e gjetura është hasur material i rrezikshem eksplodues ne vend ngjarje kane dal edhe Njesia per trajtimin e mjeteve eksploduese (NJTME), te cilet nga vendi i ngjarjes kane tërhequr sasinë e barutit, fisheket e kalibrit 12.7 mm si dhe 20 mm e po ashtu edhe minen kunder këmbësorik me detonatorin.
Në këtë rast i cili është nën hetime nuk ka të arrestuar.
Policia edhe gjatë javës së kaluar kishte gjetur armatim dhe eksploziv në Zveçan e Zubin Potok në shtëpi të pa banuara
