Njësia policore kufitare në pikën statike tek ura e Bistricës në Zveçan ka arrestuar dy persona, pasi që të njëjtit dyshohet për kontrabandë me emigrantë.
Në komunikatë për media është bërë e ditur se njësia policore kufitare sot ka ndaluar dy automjete me targa vendore, të cilat drejtoheshin nga A.S., 39-vjeçar, dhe G.Sh., 25-vjeçar.
Gjatë kontrollit policia ka vërejtur se në to ka emigrantë, shtetas të Sirisë dhe Egjiptit, të cilët po shfrytëzoheshin në Kosovë si vend transit për të kaluar në shtetet perëndimore.
“Për rastin është njoftuar prokurori dhe në koordinim me të është iniciuar rasti ‘Kontrabanda me emigrantë’”, thuhet në komunikatë.
Tutje, është bërë e ditur se me emigrantët do të merren zyrtarët policorë nga Drejtoria për Migrim dhe të Huaj të PK-së.
Ndërkaq, dy të dyshuarit janë dërguar në mbajtje për 48 orë./teve1.info/
