Policia e Kosovës ka realizuar një aksion për luftimin e narkotikëve në një banesë, në lagjen “Tre Rrokaqiejt” në Mitrovicë të Veriut.
Gjatë këtij aksioni njësia policore në banesën e një serbi ka konfiskuar kartela grafike, shok-bomba dhe poqa elektrike që shfrytëzohen për rritjen e bimëve të kanabisit dhe disa mjete tjera.
Kështu ka bërë të ditur për teve1.info, zëvendësdrejtori rajonal për veriun e Kosovës, Veton Elshani.
“Në banesën që është shfrytëzuar nga S.M. (KosovarSerb) janë gjet dhe konfiskuar 60 kartela grafike, makina antiminer S9, 13 ventilator, poqa elektrik që shfrytëzohen për rritjen e bimëve të kanabisit, llamp elektrike për laborator, 51 fishekë , 8 shok bomba të modifikuara”, tha Elshani.
Gjatë këtij aksioni i dyshuari nuk ka qenë prezent në banesë./teve1.info/
