Policia e Kosovës ka kërkuar bashkëpunimin e qytetarëve për identifikimin e një personi të dyshuar për përfshirje në veprën penale “Vjedhje”.
Në një njoftim të publikuar në Facebook, Policia ka shpërndarë edhe një fotografi të të dyshuarit.
Aty bëhet apel që çdo person që ka informacion që mund të ndihmojë në identifikimin ose gjetjen e tij të kontaktojë Policinë.
“Sektori i Hetimeve të Kryeqytetit, me autorizim nga prokuroria kompetente, kërkon ndihmë nga qytetarët në ofrimin e informatave, të cilat do të ndihmonin në identifikimin e personit që shihet në fotografi. Personi i dyshuar kërkohet për përfshirje në veprën penale “Vjedhje”. Të nderuar, për çdo informatë që mund të çojë në identifikimin e tyre, ju lusim të kontaktoni policinë në numrin e telefonit: 192 ose përmes emailit:[email protected]”, thuhet në njoftim./teve1.info/
