Një zjarrfikës ka pësuar lëndime në dorë gjatë intervenimit në një objekt që u përfshi nga zjarri të premten në magjistralen Prishtinë–Fushë Kosovë.
Sipas Policisë së Kosovës, zjarri ka qenë i përmasave të mëdha dhe në vendin e ngjarjes kanë intervenuar njësitë përkatëse. Flakët janë lokalizuar, ndërsa dëmet materiale në objekt janë vlerësuar si të mëdha.
Përveç zjarrfikësit të lënduar gjatë intervenimit, nuk është raportuar për persona të tjerë të lënduar.
“Është raportuar se në një objekt i cili gjendet në magjistrale Prishtinë-Fushë Kosovë, ka ndodhë një zjarr me përmasa të mëdha. Në vendin e ngjarjes kanë dalë të gjitha njësitë përkatëse. Zjarri është arritur të lokalizohet, ndërsa dëmet janë shumë të mëdha. Një zyrtar zjarrfikës ka pësuar lëndime në dorë gjatë intervenimit”, thuhet në raportin e PK-së.
