Përmes raportit 24-orësh, PK-ja ka bërë të ditur se deri të aksidenti ka ardhur pasi, shtetasi i Shqiprisë derisa ka qenë duke drejtuar veturën, ka humbur kontrollin dhe ka goditur mbrojtëesën e djathtë të rrugës.
Si pasojë e këtij aksidenti, viktima mashkull-pasagjer ka humbur jetën, ndërsa drejtuesi i automjetit ka pësuar lëndime trupore.
“Autostrada Ibrahim Rugova, Km 10 drejtimi Vërmicë, 20.04.2022 – 11:25. Ka ndodhur një aksident trafiku-vetë aksident me fatalitet. Deri te aksidenti ka ardhur kur i dyshuari mashkull, shtetas i Shqipërisë derisa ka qenë duke drejtuar veturën duke mos përshtatur shpejtësinë me kushtet e rrugës, ka humbur kontrollin mbi drejtimin e automjetit dhe ka goditur mbrojtësen e djathtë të rrugës. Si pasojë e aksidentit, viktima mashkull kosovar – pasagjer ka humbur jetën, ndërsa drejtuesi i automjetit ka pësuar lëndime trupore. Në vendin e ngjarjes mjeku kujdestar ka konfirmuar vdekjen e viktimës”, thuhet në raportin e Policisë.
Sipas Policisë, trupi i pajetë i viktimës dërgohet në IML për obduksion, ndërsa i dyshuari me vendim të prokurorit është dërguar në mbajtje.
“Në vendin e ngjarjes ka dal edhe prokurori kujdestar i cili ka urdhëruar që trupi i pa jetë te dërgohet në IML për obduksion, ndërsa i dyshuari me vendim të prokurorit është dërguar në mbajtje”, thuhet më tej në raport.
