Një valixhe e dyshimtë është hasur në afërsi të një ndërtesë të banimit në Ferizaj.
Kështu ka bërë të ditur zëdhënësi i policisë për këtë rajon, Kanun Veseli, i cili ka thënë se në vendin e ngjarjes kanë dalë ekipe të policisë, të cilët kanë bërë sigurimin e vendit të ngjarjes dhe kanë njoftuar ekipet përkatëse të deminimit.
“Me datën 26.12.2024 rreth orës 10:12 kemi pranuar një informatë se në rrugën “Sali Çeku” në afërsi të një ndërtese të banimit në Ferizaj është një valixhe e dyshimtë. Menjëherë në vendin e ngjarjes kanë dalë ekipe të policisë, të cilët fillimisht kanë bërë sigurimin e vendit të ngjarjes. Njëkohësisht Janë njoftuar ekipet përkatëse të deminimit të policisë , të cilët pritet të dalin së shpejti në vendin e ngjarjes”, ka thënë ai.
Veseli tha se një qytetare e kishte harruar pa dashje, dhe që në të nuk kishte asgjë të dyshuar.
“Ka përfunduar i gjithë operacioni i policisë në lidhje me informatën e valixhes së dyshuar në rrugën “Sali Çeku” në Ferizaj . Është lajmëruar një qytetare që e ka harruar aty pa dashje. Njëkohësisht është kontrolluar valixhja dhe nuk ka pasur asgjë të dyshuar. Të gjitha njësitet janë larguar nga vendi i ngjarjes dhe është liruar rruga. Ndërsa qytetarja është ftuar për intervistë në stacionin e policisë në Ferizaj. Për të gjitha veprimet policore është njoftuar prokurori i shtetit”.
