Policia ka dhënë detaje për rastin e shpërthimit të mjeteve piroteknike në një pikë-shitje mbëmë në rrugën “Ahmet Prishtina” në Prizren.
Nga ky rast kanë mbetur të lënduar dy persona, ku njëri nga ta për shkak të gjendjes së rëndë është dërguar në QKUK për trajtim.
Tutje, thuhet se në vendin e ngjarjes janë shkaktuar dëme materiale në objekte si banesa, lokale dhe automjete.
“31.12.2024-21:30. Raportohet se ka ndodhur një shpërthim i zjarrit nga ndezja e mjeteve piroteknikë në një pikë-shitje në trotuar dhe si pasojë është përhap zjarri edhe në lokalet dhe ndërtesat për rreth kësaj pikë-shitjeje. Dy meshkuj kosovarë kanë pësuar lëndime trupore, të cilët janë dërguar në Emergjencë në Prizren dhe më pas njëri prej të lënduarve për shkak të gjendjes së rëndë është dërguar në QKUK Prishtinë. Në vendin e ngjarjes janë shkaktuar dëme materiale në objekte si banesa, lokale dhe automjete. Njësiti i zjarrfikësve ka dalë në vend ngjarje dhe kanë arritur ta shuajnë zjarrin”, thuhet në raportin e policisë.
