Policia e Kosovës ka dhënë detaje rreth plagosjes së trefishtë në Pejë të ndodhur mbrëmjen e së mërkurës, raporton teve1.info
Sipas njoftimit policor 24-orësh, rasti është cilësuar si Vrasje e rëndë në tentativë”.
Sipas Policisë, tre të plagosurit po trajtohen në Qendrën klinike Universitare të Kosovës, derisa i dyshuari ka ikur në drejtim të panjohur.
“Pejë 22.05.2024, 21:25. Viktima mashkull kosovar ka raportuar se pas një mosmarrëveshje i dyshuari kishte shtënë me armë zjarri në drejtim të tij dhe tre viktimave të tjerë meshkuj kosovarë dhe kishte ikur në drejtim të panjohur. Si pasojë lëndime trupore kanë pësuar tre viktima dhe të njëjtit janë dërguar për tretman mjekësor në QKUK, Prishtinë. Rasti nën hetime”, thuhet në njoftimin policor.
